好多車主平時只係輕輕望下車軚外側 覺得仲有坑紋就覺得仲行得走得繼續揸 但其實咁樣做分分鐘已經暗藏危機 大家睇完張圖就會明白點解我哋成日提醒客人要定期檢查輪軚狀況 危險位 1：磨耗指示標記見底 磨耗指示標記(TWI) 係用嚟提醒駕駛者輪軚磨損程度 圖中條舊軚已經磨到同指示線幾乎平排！！呢個狀態代表車軚排水能力已經見底 落雨一過水氹 隨時成架車水上飄跣走失控 危險位 2：內側嚴重磨損 + 乾裂紋 呢條軚內側唔單止磨到見底 仲出現咗明顯嘅老化裂紋 呢種狀態下強行高速行駛 隨時承受唔住壓力而突然爆軚 車軚係全架車唯一接觸路面嘅零件 安全絕對唔可以妥協！ 強烈建議大家定期仔細檢查車軚狀況 如果發現坑紋太淺 有裂紋或者軚壁受損 千萬唔好拖 一定要即刻搵專業人士去檢查同更換 唔肯定自己條軚狀態點樣？隨時揸過嚟搵我哋幫你即時檢查清楚啦！

好多車主平時好錫車 但就成日忽略咗最貼地嘅安全防線——軚壓 🛞！ 如果軚壓唔夠或者太低 除咗會增加耗油/耗電量 仲會令煞車距離變長 高速行駛時甚至容易引發爆軚危機 😱！ 相反 打得太脹又會令避震變硬 減低抓地力 🥶 所以定期檢查軚壓 絕對係安全駕駛嘅第一步！ 大部份嘅車其實都配置咗一張原廠資訊標籤喺車門邊，睇一睇就知道你架車大概要打幾多磅氣啦 🙆🏻‍♀️ 👨‍🔧 建議最少每個月或者長途出車前檢查一次軚壓！ 依家好多新車都內置咗軚壓感應 㩒一㩒個 Mon 就知道四條軚夠唔夠氣 而舊款車亦可以安裝一個外置軚壓 Sensor 咁就萬無一失啦！ 行車嘅時候如果覺得條軚有啲奇怪或者唔確定正唔正常 就一定要搵專業人士幫手 Check Check！ Check 清楚大家就安心 揸車都揸得安心又放心 🚗！

第一篇小知識 當然要由關於輪軚最基本嘅知識開始講起啦！ 想換軚問軚 師傅都一定會問吓你知唔知輪軚尺寸 咁大家又知唔知道輪軚尺寸係邊度可以搵到呢？ 最基本當然係可以喺自己條軚上面搵到啦！ 咁大家又知唔知道呢堆數字代表啲咩呢？ 好似呢條米芝蓮嘅軚咁 上面寫住...